處 (失匙甲萬濶少爺, 1956)

"處"用來表示"地方/處所"。在早期粵語讀syu3，如"喺處, 邊處, 呢處, 嗰處"，現代粵語較少用，多用"度"："喺度, 邊度, 嗰度, 呢度"。

對白

高魯泉：咁又唔得，咁我，我收咗你呢張紙，咁我...喫南風咩又？

陶三姑：o4，咁唔係喺處牙刷刷做咩aa3?

雞茶 (錯燒龍鳳燭, 1954)

"雞茶"一詞很有趣。根據我們的初步調查，香港的食肆現在都沒有這種食物。我們跟一些年長的香港人了解過，他們都對這種食物沒有什麼印象。有人認為雞茶可能跟牛肉茶的相類似。

對白

梁醒波: 所以有嚟遲咗aa1maa3 ！

梁素梅: 你食燒乳鴿唔使問laa1！

梁醒波: 你鍾意我食乜咪食乜laa1！

梁素梅: 雞茶一杯tim1le4！

梁醒波: m4, 雞茶laa1

跙 (標準丈夫, 1965)

"跙"表示"離開"。在現代粵語，"跙"很多時候用在祈使句，帶有貶斥意思，如"你即刻跙", "跙咗唔好返嚟"。早期粵語並不一定帶有貶斥意思，只是表示＂離開＂。如片段中，"跙"出現在"食咗飯"之後，並不含有貶斥意思。

對白

鄭君綿: 唔係！我佩服你zaa1maa3 ！

李香琴: 好lak3！好lak3！我哋仲要去第二道！

馮惠文: 食咗飯至跙aa1！

李香琴: 唔使客氣aa3！

兜 (契爺艷史, 1952)

「兜」用作量詞。根據我們對相關語料的分析，「兜」的用法比較粗俗。現代粵語多用「條」，如 "你條友/leng1仔"。

對白

紅線女: 姐夫aa3

伊秋水: 做咩aa3

紅線女:你做咩ze1？

伊秋水: 冇, 啱啱正話畀兜leng1仔撞親！

紅線女: 邊個嚟gaa3？

伊秋水: 話你聽你又唔識佢, 你問嚟做咩嘢ze1？

單嘢 (瘋狂酒吧, 1970)

上面提及"兜"的特色。另一個類似的詞語是"單嘢"。"單"是量詞，"嘢"是名詞。現代粵語有時會說"呢單嘢好難做"，意指"這件事情很難做"。量詞"單"多指"事情", 如"一單交通意外, 一單生意"。在電影中，"單嘢"是用來指人，有時也帶有貶意，有點像我們今天說的"嗰條友"。

對白

沈澱霞: haa1, 後面嗰單嘢le1都幾靚仔ge2.wai3, 不過好多女仔鍾意go3bo3

單嘢 (唔嫁, 1951)

對白

張瑛: haa2, 噉你話係佢個女?

男: 又係zek1

張瑛: 點解, 咁究竟係咪你個女得gaa2?

男: 係, 唔係la1

伊秋水: 你單嘢蠱惑la3, 你拐帶人口aa6, 我要拉你, 想呃我個仔?

愛 (十月芥菜, 1952)

"愛"指"喜歡"。在早期粵語，"愛"可表示"需要, 要"。現在我們偶然都會用到，如"愛啲咩嘢食, 愛啲咩茶"等。不過早期粵語"愛"的使用範圍較今天廣泛。

對白

高魯泉: 一概都係你做go3bo3. 

男: 咁aa4 ... 得, 得, 得嘅, 得嘅

高魯泉: 咁你要愛幾多人工aa1?

男: o5, 冇所謂ge2. 求其有飯食.e6任阿老爺打賞hai2laa1maa3

愛 (歷盡滄桑一美人, 1958)

對白

男: 乜你哋食粥gaa4? ... 家嫂又愛餵奶畀啲蘇蝦. 喫粥唔得gaa3!

愛 (血淚洗殘脂, 1950)

對白

女: 銀, 你跟咗我十幾年. 我一啲好處都冇得畀你. 你將我所有嘅家俬拎去賣咗佢! 愛啲錢嚟做下小生意&laa1!